პოლიტიკა

გუნდმა, რომელსაც ხელმძღვანელობს მიხეილ სააკაშვილი, გადაწყვიტა დემოკრატიულ პროცედურებზეც უარი თქვას - ელენე ხოშტარია

ნაციონალური მოძრაობის წევრი ელენე ხოშტარია გამოეხმაურა პარტიაში არსებულ აზრთა სხვადასხვაობას და არ გამორიცხა, რომ მიმდინარე მოვლენების ფონზე, პარტია დაიშალოს.

,,სამწუხაროდ, იმ გუნდმა, რომელსაც ხელმძღვანელობს დღეს მიხეილ სააკაშვილი, იმ კამპანიის გარდა, რომელსაც ისინი აწარმოებენ ჩვენ წინააღმდეგ, რომ თითქოს ვართ გარიგებულები და გვაყენებენ შეურაცხყოფას, ახლა გადაწყვიტა იურიდიულ დემოკრატიულ პროცედურებზეც უარი თქვას, ფაქტობრივად, გვერდი აუაროს პოლიტსაბჭოს, რომელიც არის განსაზღვრული მთავარი გადაწყვეტილების მიმღებად. გამოაცხადეს რაღაც კომისია, რომელშიც თვითნებურად იღებენ უბრალოდ გადაწყვეტილებებს. ამ ზღვრამდე ამ პროცესის მიყვანა ნამდვილად ძალიან სერიოზულ საფრთხეს უქმნის პარტიის ერთიანობას და მე იმედს ვიტოვებ, რომ ჩვენი კოლეგები და მიხეილ სააკაშვილი გაიაზრებენ, თუ რამხელა ზიანს აყენებენ ზოგადად არამხოლოდ პარტიას, არამედ ქვეყანას და დაბრუნდებიან ცივილიზებულ დემოკრატიულ ჩარჩოში განსხვავებული აზრების განხილვის დროს. აქ არ არის საუბარი იმაზე, რომ განსხვავებული აზრია პრობლემა, მაგრამ წესების უგულებელყოფა და თანაგუნდელების შეურაცხყოფა, ეს არის პროცესი, რომელიც ზიანს აყენებს მთლიანად ქვეყანას’’, - განუცხადა ჟურნალისტებს ელენე ხოშტარიამ.

ნინო ექვთიმიშვილი