პოლიტიკა

გუბაზ სანიკიძე ნინო ბურჯანაძის პარტიაში გაწევრიანდა

„ეროვნული ფორუმის“ ყოფილი წევრი გუბაზ სანიკიძე „დემოკრატიული მოძრაობაში’’ გაწევრიანდა.

პარტიის ახალი წევრი ნინო ბურჯანაძემ ,,დემოკრატიული მოძრაობის’’ ოფისში წარუდგინა მედიას.

როგორც ბურჯანაძემ აღნიშნა, სანიკიძის პარტიაში გაწევრიანებას პოლიტსაბჭოს ყველა წევრმა დაუჭირა მხარი.

თავის მხრივ, როგორც სანიკიძემ განცხადა, მისი პრიორიტეტი საგარეო ურთიერთობების ყველა მიმართულებით განვითარება იქნება.

გუბაზ სანიკიძემ ასევე აღნიშნა, რომ ნინო ბურჯანაძეს კარგი ურთიერთობები აქვს რუსეთთან, რაც შესაძლებლობას იძლევა, მოხდეს დიალოგის გამართვა ტერიტორიული მთლიანობის აღდგენის საკითხზე.

,,მე თავი ვალდებულად ჩავთვალე, ვიყო იმ პოლიტიკურ ლიდერთან, რომელსაც აქვს ძალიან დიდი გამოცდილება, რომელსაც აქვს ძალიან დიდი პოლიტიკური ბიოგრაფია და ვთვლი, რომ ძალიან სერიოზული პოლიტიკური პესრპექტივა’’, - განაცხადა გუბაზ სანიკიძემ.

ნინო ექვთიმიშვილი