პოლიტიკა

გრიგოლ ვაშაძეს 45%, სალომე ზურაბიშვილს 55% - Edison Research მეორე ტურის ეგზიტპოლის შედეგებს აქვეყნებს

ამერიკული კვლევითი ორგანიზაცია Edison Research საპრეზიდენტო არჩევნების მეორე ტურთან დაკავშირებით ეგზიტპოლის შედეგებს აქვეყნებს.

რუსთავი 2-ის ინფორმაციით, Edison Research-მა 17:00 საათის მონაცემები გამოაქვეყნა, რომლის თანახმადაც გრიგოლ ვაშაძეს 45% აქვს, ხოლო სალომე ზურაბიშვილს 55%.

ორგანიზაციის კვლევის თანახმად, 17:00 საათისთვის მთელი ქვეყნის მასშტაბით 1 663 000 ამომრჩეველი იმყოფებოდა საარჩევნო უბანზე.

სალომე ზურაბიშვილმა 914 000 ამომრჩევლის ხმა მიიღო, ხოლო გრიგოლ ვაშაძემ - 749 000 ხმა. სხვაობა ორ საპრეზიდენტო კანდიდატის ამომრჩეველს შორის არის 165 000 ხმა.

Edison Research-ის კვლევაში ცდომილება არის პლუს-მინუს 3 პროცენტი.