პოლიტიკა

გრიგოლ ვაშაძემ საბჭოთა კავშირის საგარეო საქმეთა სამინისტრო მიატოვა მას შემდეგ, რაც საბჭოთა კავშირს გამოეცალა მთავარი აგური - შიში - გია ვოლსკი

„ნაციონალური მოძრაობის“ პრეზიდენტობის კანდიდატმა გრიგოლ ვაშაძემ საბჭოთა კავშირის საგარეო საქმეთა სამინისტრო მიატოვა მას შემდეგ, რაც საბჭოთა კავშირს გამოეცალა მთავარი აგური, კერძოდ, შიში“,– ამის შესახებ პარლამენტის ვიცე-სპიკერმა გია ვოლსკიმ განაცხადა.

დეპუტატის თქმით, გრიგოლ ვაშაძე არის იმ ადამიანთა ჯგუფიდან, რომლებმაც თავისი მეომრები მიატოვეს ბრძოლის ველზე და რომ არა პატრიარქი, დახოცილ გმირებს ბრძოლის ველიდან ვერ გამოიყვანდნენ.

„გრიგოლ ვაშაძის განცხადება ომთან დაკავშირებით მეტყველებს იმაზე, რომ ის არ აპირებდა პრეზიდენტობის კანდიდატად ყოფნას. ძალიან მძიმე წარსული შეიძლება გავახსენოთ მას, მათ შორის 2008 აგვისტოს წინა პერიოდი, როდესაც მთელი საქართველო და მსოფლიო თავისი ოფიციალური პოზიციიდან შეჰყავდა შეცდომაში, ამბობდა, რომ რუსეთს არ აინტერესებს ცხინვალის რეგიონი.

სახელმწიფომ მშვიდობიანი მოსახლეობა მძიმე პერიოდში მიატოვა “, – განაცხადა საპარლამენტო უმრავლესობის წევრმა.