პოლიტიკა

გრიგოლ ვაშაძე 38.5%, სალომე ზურაბიშვილი 37.6% - ,,სამართლიანი არჩევნები“ საპრეზიდენტო არჩევნებში ხმების პარალელური დათვლის შედეგებს აქვეყნებს

"სამართლიანი არჩევნებისა და დემოკრატიის საერთაშორისო საზოგადოებამ" საპრეზიდენტო არჩევნებში ხმების პარალელური დათვლის შედეგები წარადგინა.

როგორც ”სამართლიანი არჩევნებისა და დემოკრატიის საერთაშორისო საზოგადოების” აღმასრულებელმა დირექტორმა, მიხეილ ბენიძემ აღნიშნა, საპრეზიდენტო არჩევნებს მთელი საქართველოს მასშტაბით აკვირდებოდა. ამ დროისთვის არსებული მონაცემებით კი ხმები ასე გადანაწილდა:

„გრიგოლ ვაშაძე 38.5%, ცდომილების ხარისხი 1%. მინიმალური შედეგი 37.5%, მაქსიმალური შედეგი 39.5%. სალომე ზურაბიშვილი 37.6%, ცდომილების ხარისხი 0,9%, მინიმალური შედეგი 36.7%, მაქსიმალური შედეგი 38.5%. დავით ბაქრაძე - 11%, ცდომილების ხარისხი 0.5.%, მინიმალური შედეგი 10.5%, მაქსიმალური შედეგი 11.5%. შალვა ნათელაშვილი - 3.8%, ცდომილების ხარისხი 0.2%, მინიმალური შედეგი 3.6%, მაქსიმალური შედეგი 4%.“

ბენიძის ინფორმაციით, ამ დროისთვის, ორგანიზაციას, საუბნო კომისიებში 73 საჩივარი აქვს წარდგენილი, ხოლო 82 საოლქო კომისიებში.