საზოგადოება

Global Private Banker-მა საქართველოს ბანკის პრემიუმ მომხმარებლებისთვის შექმნილი გამოცდილება მსოფლიოში გამორჩეულად აღიარა

ყოველწლიურად, Global Private Banker-ის გამოცემა იმ კერძო ფინანსურ ინსტიტუტებს ავლენს, რომლებიც მომხმარებლებს განსაკუთრებულ საბანკო გამოცდილებას სთავაზობენ.

წლევანდელი Global Private Banking Innovation Awards-ის ფარგლებში კი, საქართველოს ბანკის პრემიუმ მომხმარებლებისთვის შექმნილი გამოცდილება მსოფლიოში გამორჩეულად იქნა აღიარებული. ამასთან, საქართველოს ბანკის პრემიუმ მიმართულება საუკეთესოდ დასახელდა საქართველოში.

ფინანსური ინსტიტუტების შესაფასებლად, ჟიური ისეთ კრიტერიუმებს ეყრდნობა, როგორებიც არის ციფრული ინოვაცია, მომხმარებლის გამოცდილება და ჩართულობა, ფინანსური და ბიზნეს შედეგები და კორპორატიული სტრატეგია.

“საქართველოს ბანკის პრემიუმ მიმართულების სახელით, მინდა მადლობა გადავუხადო Global Private Banker-ს მონიჭებული აღიარებისთვის. ეს ჯილდო დასტურია იმ ღრმა და ნდობით სავსე ურთიერთობისა, რომელსაც ჩვენი ბანკირები ჩვენს მომხმარებლებთან ამყარებენ. აღნიშნული ურთიერთობის საფუძველი ურთიერთპატივისცემა, პატიოსნება და საერთო ხედვაა, რომელიც მომხმარებლის მიზნების ხელშეწყობას ისახავს მიზნად. ჩვენი წარმატების საფუძველი ადამიანური კავშირია: ჩვენი ბანკირები ჩვენი მომხმარებლების გვერდით არიან ყველა ამბიციის, ტრანზიციისა თუ წარმატების მიღწევის პროცესში. გვჯერა, რომ ქონების მართვა ღრმად პერსონალურია. მისი საფუძველი კი ხელმისაწვდომობა, რეაგირება და საფუძვლიანი ინტერაქციაა. სწორედ ასე ვქმნით გამოცდილებას, რომელიც მოლოდინს აჭარბებს - და სწორედ ამის დასტურია აღნიშნული ჯილდოც. მინდა გამოვხატო ჩემი ღრმა მადლიერება ჩვენი ერთგული გუნდის მიმართ, რომლის ზრუნვა და პროფესიონალიზმი განსაზღვრავს ყველა მომხმარებლებთან ურთიერთობას. და, რაც მთავარია, მინდა მადლობა გადავუხადო ჩვენს მომხმარებლებს ნდობისთვის.

საქართველოს ბანკში ჩვენ მარტივი, მაგრამ ძლიერი მიზნით ვხელმძღვანელობთ: დავეხმაროთ ადამიანებს, მაქსიმალურად გამოავლინონ საკუთარი პოტენციალი. ეს აღიარება კი გვაძლევს სტიმულს, გავაგრძელოთ ამ მისიის მიმართულებით წინსვლა და შევქმნათ ისეთი საბანკო გამოცდილება, რომელიც ინოვაციებზე, თანადგომასა და ურყევ ერთგულებაზე იქნება დაფუძნებული“, - აღნიშნავს ნინო ლომთაძე, პირადი საბანკო საქმიანობის ჯგუფის უფროსი.