სამართალი

გიორგი შენგელიას მამა ირწმუნება, რომ მის ვაჟს გუშაგმა ბაზის გარეთ ესროლა

კრწანისის სამხედრო ბაზაზე მოკლული 23 წლის გიორგი შენგელიას მამა ირწმუნება, რომ მის ვაჟს გუშაგმა ბაზის გარეთ ესროლა.

როგორც მან ჟურნალისტებს განუცხადა, მისი შვილი ორ თანმხლებთან ერთად მართლაც მივიდა საწვრთნელი ბაზის ტერიტორიაზე მეგობრის სანახავად, თუმცა გასროლა ტერიტორიის გარეთ მოხდა.

რომან შენგელიას თქმით, ის ესაუბრა ინციდენტში მონაწილე ორ პირს, რომლებსაც როგორც ის ამბობს, შეუძლიათ შემთხვევის დეტალების აღწერა.

,,დეტალი გარკვეულია, მე ველაპარაკე მაგ ბავშვებს ვინც იყვნენ ორნი, ამასთან ერთად. ნასროლია ტყვია გარეთ. გარეთ იყო ბავშვი გასული, გადახტა ბავშვი ,,ზაბორზე.’’ ოცი მეტრის მანძილზეა მოკლული ბავშვი. როგორც ამბობენ, 90-100 მეტრის მანძილზე ვიპოვეთ გვამიო და 100 მეტრში კი არა, 20 მეტრში ეგდო. რატომ არ ნახეს? 4 საათის განმავლობაში 20 მეტრში ვერ მოიძებნა ბავშვი ხომ?!’’, - განაცხადა რომან შენგელიამ.

რაც შეეხება, მისი მეორე შვილს რომელიც აღნიშნულ სასწავლო ცენტრში მსახურობდა, როგორც შენგელია ამბობს, მისი ადგილსამყოფელი უცნობია.

,,მეორე შვილი არც ვიცი სად არის. ეძებონ თვითონ. მოძებნონ’’, - თქვა რომან შენგელიამ.

ნინო ექვთიმიშვილი