პოლიტიკა

გიორგი კვირიკაშვილმა ბიძინა ივანიშვილს და ირაკლი ღარიბაშვილს მადლობა გადაუხადა

საქართველოს პრემიერ-მინისტრმა მთავრობის ახალი შემადგენლობის დამტკიცებამდე, ბოლო სხდომა გამართა.

პრემიერმა აღნიშნა, რომ ბოლო ოთხი წელი, ქვეყნისთვის ძალიან მნიშნელოვანი იყო.

„ოთხი წელი, რომელიც ჩვენ ერთად ვიმუშავეთ, ვაკეთეთ საქმე, რომელიც თამამად შეიძლება ითქვას,რომ მნიშვნელოვანი იყო ჩვენი ქვეყნისთვის, ჩვენი ხალხისთვის. ამისთვის მინდა ყველა თქვენგანს ძალიან დიდი მადლობა გადაგიხადოთ“,-განაცხადა კვირიაკშვილმა.

პრემიერ-მინისტრმა განსაკუთრებით გამოყო, გუნდის პირველი პრემიერი, ბიძინა ივანიშვილი.

„მინდა, განსაკუთრებით გამოვყო ჩვენი გუნდიდან პირველი პრემიერ-მინისტრის, ბიძინა ივანიშვილის წვლილი იმ გარდატეხაში, რომელიც ჩვენს ქვეყანაში მოხდა. ეს იყო საქართველოში პოლიტიკის და ქვეყნის მართვის თვისობრივი ცვლილება. მინდა, გულწრფელი მადლობა გადავუხადო ყველა თქვენგანის სახელით. ასევე, მინდა, დიდი მადლობა გადავუხადო ჩემს წინამორბედს, ირაკლი ღარიბაშვილს და ყველას, ვინც ჩვენს კაბინეტში ჩვენთან ერთად აკეთებდა ქვეყნისთვის მნიშვნელოვან საქმეს“, - განაცხადა გიორგი კვირიკაშვილმა.

მონიკა დავლიანიძე