პოლიტიკა

გიორგი გაბედავა პოლიციას თავისუფლების უკანონო აღკვეთაში ადანაშაულებს

არასამთავრობო ორგანიზაცია „საქართველოს ახალგაზრდა ეროვნული ალიანსის“ თავმჯდომარემ გიორგი გაბედავამ პოლიცია 17 მაისს თავისუფლების უკანონო აღკვეთაში დაადანაშაულა.

საქმე ეხება რუსთაველის გამზირზე საპატრიარქოს მიერ დაწესებული „ოჯახის სიწმინდის დღესთან“ დაკავშირებულ აქციას, რომლის დროს გაბედავა სამართალდამცველებმა გამოკითხვის მიზნით დააკავეს და პოლიციაში გადაიყვანეს.

გაბედავას თქმით, ის 4 საათის განმავლობაში ითხოვდა ადვოკატს, სახალხო დამცველს, თუმცა მას დარეკვის საშუალებას არ აძლევდნენ.

გაბედავამ აღნიშნა, რომ ვერ აუხსნეს, რისთვის დააკავეს.

„ჯერ მეუბნებოდნენ, რომ ვიყავი ადმინისტრაციული სამართალდამრღვევი, მერე მითხრეს, რომ სასამართლოში გაირკვევა ყველაფერი. პოლიციელებს არაფერს არ ვერჩი, ისინი უფროსების დავალებებს ასრულებდნენ, მესმის, და ისევ რიგითზე, რომ არ გადატყდეს ჯოხი, მე ვითხოვ მაღალჩინოსნების დაკავებას“, -თქვა გაბედავამ.

გაბედავამ ჟურნალისტებს განუცხადა, რომ აუქმებს მის მიერვე დაფუძნებულ ორგანიზაცია „საქართველოს ახალგაზრდა ეროვნულ ალიანსს“ და მოღვაწეობას, როგორც დამოუკიდებელი აქტივისტი განაგრძობს.