პოლიტიკა

გია ვოლსკი, ოპოზიციური პარტიების მიერ საკონსტიტუციო კომისიის დატოვებას, საბოტაჟს უწოდებს

პარლამენტის ვიცე-სპიკერი, გია ვოლსკი შეფასებით, ოპოზიციური პარტიების მიერ საკონსტიტუციო კომისიის დატოვება „საბოტაჟია“.

ვოლსკიმ აღნიშნა, რომ თემების დიდ ნაწილზე კომისიაში უკვე შეთანხმდნენ.

„მე მაინც საბოტაჟს დავარქმევდი ამ კომისიაში მუშაობის შეწყვეტას, თუმცა 95% საკითხებისა შეთანხმებულია და გავლილია. რამდენიმე პრინციპული თემა არის დარჩენილი“, - განაცხადა ვოლსკიმ.

ვოლსკის თქმით, მნიშვნელოვანია, რომ კომისიის მუშაობის შედეგის საბოლოო ვარიანტი საზოგადოებისთვის იყოს მიწოდებული, რადგან მისი მოსაზრება იქნება გადამწყვეტი.

შეგახსენებთ, რომ დღეს კომისია ოფიციალურად დატოვეს პარტიებმა „ევროპულმა საქართველომ“ და „თავისუფალმა დემოკრატებმა“. გუშინ საკონსტიტუციო კომისიას ბოიკოტი გამოუცხადა 15 კვალიფიციური პოლიტიკური პარტიის საკოორდინაციო საბჭომ. 13 აპრილს კომისია „ერთიანმა ნაციონალურმა მოძრაობამ“ დატოვა.

ანა მებურიშვილი