სამართალი

გია ცერცვაძის საქმეზე კიევის სააპელაციო სასამართლოს გადაწყვეტილება დღეს გახდება ცნობილი

დღეს გახდება ცნობილი, როდის იმსჯელებს ვიცე -პოლკოვნიკ გია ცერცვაძის საქმეზე კიევის სააპელაციო სასამართლო.

პირველი ინსტანციის გადაწყვეტილებით, ის წინასწარ პატიმრობაში რჩება.

ვიცე-პოლკოვნიკის ადვოკატის ქსენია პროკონოვას განცხადებით, ინტერპოლის ბარათზე იყო მითითებული ცერცვაძის საქართველოდან გამომგზავრების მომენტი.

ადვოკატის თქმით, თავად ბრალდებული აცხადებს, რომ მასზე პოლიტიკური მოტივით დევნა ხორციელდება.

"თავად აცხადებს, რომ ეს არის პოლიტიკური მოტივით დევნა, რადგან ის მონაწილეობდა აგვისტოს ომში და ამჟამად იბრძვის უკრაინის ტერიტორიაზე. იმედი აქვს, რომ უკრაინა მიიღებს მას, როგორც არა გარეშე პირს. რუსეთში მას ელის წამება. ვერ გეტყვით საიდან მაქვს ეს ინფორმაცია. თუმცა არის ერთი საკითხი, რაც მაღელვებს მისი დაკავების მომენტიდან. ინტერპოლის ბარათზე მითითებული იყო მისი გამომგზავრების მომენტი, ის ნახა ქართულმა სასაზღვრო სამსახურმა. მიკვირს რატომ არ დააკავეს ქართული პროცედურებით,“ - აცხადებს გია ცერცვაძის ადვოკატი ქსენია პროკონოვა.

შეგახსენებთ, რომ გიორგი ცერცვაძე 2017 წლის 15 იანვარს კიევის ჟულიანის საერთაშორისო აეროპორტში რუსეთის მოთხოვნის საფუძველზე დააკავეს. მას ქალაქ სოჭში 2003 წელს მომხდარ განზრახ მკვლელობასა და მკვლელობის მცდელობაში ედება ბრალი.

ოპოზიცია კი ცერცვაძის დაკავებაში საქართველოს მთავრობას ადანაშაულებს. ნაციონალურ მოძრაობაშ აცხადებენ, რომ მთავრობამ რუსეთთან მოღალატეობრივ გარიგებაში შევიდა.

მონიკა დავლიანიძე