პოლიტიკა

გაზაფხულზე ფინანსთა მინისტრს თანამდებობიდან გაათავისუფლებენ - გიორგი ვაშაძე

პარტია „ ახალი საქართველოს“ ლიდერის ინფორმაციით, ლარის მკვეთრი გაუფასურების გამო, გაზაფხულზე თანამდებობას ფინანსთა მინისტრს დაატოვებინებენ.

ამის შესახებ ვაშაძემ პრესკონფერენციაზე განაცხადა.

პოლიტიკოსის თქმით, 2016 წლის 29 ნოემბერი საქართველოს ისტორიაში, ეკონომიკისთვის ერთ-ერთი ყველაზე შავი სამშაბათი იყო, რადგან ინიციატივები, რომლითაც გამოვიდა საქართველოს მთავრობა გააღარიბა თითოეული ადამიანი, გააუბედურა ლარი.

„ჩემი ინფორმაციით, კვლავაც სერიოზული დისკუსიაა ამ თემაზე საქართველოს მთავრობაში და შემიძლია ვთქვა, რომ, ჩემი ინფორმიიცით, გაზაფხულზე ფინანსთა მინისტრი ამ თემას გადაჰყვება. მას გაზაფხულზე, ცალსახად, გაათავისუფლებენ. მანამდე, როგორც ჩანს, ხელისუფლებას გათვლა აქვს. იანვარში გარკვეული ვარდნა კვლავ გაგრძელდება ახალი წლის შემდგომ. ეს ყველაფერი უნდა დაბრალდეს კონკრეტულად ვინმეს. ვიღაცა უნდა იყოს პასუხისმგებელი და ეს პასუხისმგებელი იქნება ფინანსთა მინისტრი, რომლის ინიციატივა არის პრინციპში ეს კატასტროფული ინიციატივები, რაც ჩევნ მოვისმინეთ და რომელმაც ეკონომიკა ჩამოშალა. ხაზს ვუსვამ: ლარი გაუფასურდა, ხალხი გაღარიბდა, ინვესტიციები ქვეყანაში აღარ შემოდის“,-აღნიშნა გიორგი ვაშაძემ.

გიორგი ვაშაძის ინფორმაციითვე, დიმიტრი ქუმსიშვილის გათავისფულების შემდეგ, თანამდებობაზე ნოდარ ხადურის დაბრუნების საკითხი განიხილება.

მონიკა დავლიანიძე