პოლიტიკა

გასულ თვეში ყველაზე მეტი შემოწირულობა „ქართულმა ოცნებამ“ მიიღო - აუდიტის სამსახური

2017 წლის აგვისტოში პოლიტიკურ პარტიებს შორის ყველაზე მეტი შემოწირულობა „ქართულმა ოცნებამ“ მიიღო - 4,555,993.00 ლარი.

სახელმწიფო აუდიტის სამსახურის ინფორმაციით, შემოწირულობების მხრივ მეორე ადგილი დაიკავა „ევროპულმა საქართველომ“ 287,440 ლარით, მას მოჰყვება თბილისის მერობის დამოუკიდებელი კანდიდატი ალეკო ელისაშვილი - მან გასულ თვეში შემოწირულების სახით 9.770 ლარი მიიღო.

7000 ლარი მიიღო „ახალმა პოლიტიკურმა ცენტრმა - გირჩმა“, ხოლო „ერთიანმა ნაციონალურმა მოძრაობამ“ - 5,330 ლარი.

სულ პარტიებისა და დამოუკიდებელი კანდიდატების მიერ მიღებულმა შემოწირულობებმა (როგორც ფულადმა, ასევე არაფულადმა და საწევრო შენატანებმა) 4,869,215.92 ლარი შეადგინა.

ანა მებურიშვილი