პოლიტიკა

განათლების სისტემაში ძალიან ბევრი რამე საფუძველშივე შესაცვლელია - ალექსანდრე ჯეჯელავა

განათლებისა და მეცნიერების მინისტრის ალექსანდრე ჯეჯელავას განცხადებით, რამდენადაც მისთვის ცნობილია, პოსტზე რჩება. ამის შესახებ ჯეჯელავამ დღეს გამართულ პრესკონფერენციაზე განაცხადა და აღნიშნა, რომ განათლების სამინისტროში მუშაობას რამოდენიმე წლის განმავლობაში გეგმავს.

რაც შეეხება განათლების სისტემაში განსახორციელებელ ცვლილებებს, ჯეჯელავას თქმით, ამ სისტემას კომერციული რემონტი უტარდებოდა, თუმცა რაღაცეები საფუძველშივე შესაცვლელია.

,,პრემიერი სანამ არ წარადგენს და პარლამენტი სანამ არ დაამტკიცებს, ასპროცენტიანი დარწმუნება ვერ გვექნება, თუმცა მე რამდენადაც ვიცი, პოსტზე ვრჩები. ვგეგმავ რამდენიმე წლის განმავლობაში ამ სამინისტროში ვიმუშავო. ძალიან შორს მიმავალი გეგმებია. ძალიან ბევრი რამ საფუძველშიც შესაცვლელია. მოგეხსენებათ, ჩვენს განათლების სისტემას სხვადასხვა დროს კოსმეტიკური რემონტი უტარდებოდა, თუმცა ხშირ შემთხვევაში ისეთი ვითარებაა, როცა საფუძველშივე არის რაღაცები შესაცვლელი. ამას ფართო საზოგადოების ჩართულობაც დასჭირდება. ძალიან ბევრი სამსჯელო და სანერვიულო საკითხი იქნება, რომელიც ქართველებმა ერთად უნდა გადაწყვიტონ თავისი მომავალი თაობის განათლებასთან დაკავშირებით”, - განაცხადა ალექსანდრე ჯეჯელავამ.

მარი ნამგალაძე