პოლიტიკა

განათლების და მეცნიერების სამინისტროს დაფინანსება 23,2 მილიონი ლარით მცირდება - გიორგი კაკაურიძე

პარლამენტის რიგგარეშე სხდომა ფინანსთა მინისტრის მოადგილემ, გიორგი კაკაურიძემ ის უწყებები ჩამოთვალა, რომელთაც 2016 წლის სახელმწიფო ბიუჯეტში შესატანი ცვლილებების თანახმად, შეუმცირდათ საბიუჯეტო სახსრები.

,,პარლამენტის დაფინანსება მცირდება 2 მილიონი ლარით, ამაზე გადაწყვეტილება გასულ კვირას მიიღო პარლამენტმა. მთავრობის ადმინისტრაციის დაფინანსება მცირდება 2 მილიონი ლარით. ფინანსთა სამინისტროს დაფინანსება მცირდება, 3,5 მილიონი ლარით. სასჯელაღსრულების და პრობაციის სამინისტროს დაფინანსება მცირდება 9 მილიონი ლაროთ. თავდაცვის სამინისტროს შემთხვევაში გვაქვს ზრდა 80,4 მილიონი ლარი და ეს ძირითადად დაკავშირებულია დონორთან გაფორმებულ ხელშეკრულებასთან, რომელიც გასული წლის დეკემბრის თვეში იქნა რატიფიცირებული პარლამენტის მხრიდან. განათლების და მეცნიერების სამინისტროს შემთხვევაში გვაქვს შემცირება 23,2 მილიონი ლარის ოდენობით, რაც ძირითადად ,,ათასწეულის გამოწვევის ფონდ - საქართველოს’’ გრანტის ხარჯად ხდება, 16 მილიონი ლარი არის აქ გრანტის ნაწილი’’, - განაცხადა გიორგი კაკაურიძემ.

ნინო ექვთიმიშვილი