პოლიტიკა

გამოკითხულთა 74%-ს არ გადაუწყვეტია, ვის მისცემს ხმას, ხვალ რომ არჩევნები ჩატარდეს - NDI

ეროვნულ-დემოკრატიული ინსტიტუტის (NDI) მიერ ჩატარებული კვლევის თანახმად, გამოკითხულთა 74%-ს არ აქვს გადაწყვეტილი, ვის მისცემს ხმას, ხვალ რომ საპრეზიდენტო არჩევნები ჩატარდეს.

გამოკითხულთა 20%-მა განაცხადა, რომ გადაწყვეტილი აქვს, ვის მისცემს ხმას, ხოლო 5%-მა უპასუხა, რომ პასუხი არ იცის, 1%-მა კი პასუხის გაცემაზე უარი თქვა.

კვლევის საველე სამუშაოები ჩატარდა 23 ივნისი-8 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) 2 409 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.

კვლევაში ცდომილების ზღვარი +/-1.9%-ია.