პოლიტიკა

გამოკითხულთა 74% მარიხუანის ლეგალიზებას არ ემხრობა - NDI

ეროვნულ-დემოკრატიული ინსტიტუტის (NDI) მიერ ჩატარებული კვლევის თანახმად, საქართველოს მოსახლეობის 74% ქვეყანაში მარიხუანის ლეგალიზების წინააღმდეგია.

მარიხუანის ლეგალიზებას გამოკითხულთა 18% ემხრობა, ხოლო 8%-მა ამაზე პასუხი არ იცის.

კითხვაზე, უნდა მოიხადოს თუ არა ციხის სასჯელი ადამიანმა ნებისმიერი ნარკოტიკული საშუალების (მარიხუანა, ინტრავენული, აბები და ა.შ.) პირადი მოხმარების გამო, გამოკითხულთა 40% მიიჩნევს, რომ უნდა მოიხადოს სასჯელი, 54% ფიქრობს, რომ არ უნდა მოხადოს სასჯელი, ხოლო კითხვაზე პასუხი არ იცის 6%-მა.

კვლევის საველე სამუშაოები ჩატარდა 23 ივნისი-8 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) 2 409 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.

კვლევაში ცდომილების ზღვარი +/-1.9%-ია.