პოლიტიკა

გამოკითხულთა 41%-სთვის გიორგი კვირიკაშვილის გადადგომა მისაღებია, ხოლო 29%-სთვის არა - NDI

ეროვნულ-დემოკრატიული ინსტიტუტის (NDI) მიერ ჩატარებული კვლევის თანახმად, გამოკითხულთა 41%-სთვის მისაღებია საქართველოს ყოფილი პრემიერ-მინისტრის გიორგი კვირიკაშვილის თანამდებობიდან გადადგომა, საწინააღმდეგოს კი გამოკითხულთა 29% ფიქრობს.

კითხვაზე, მისაღებია თუ არა კვირიკაშვილის გადადგომა, გამოკითხულთა 28%-მა უპასუხა, რომ არ იცის, ხოლო 2%-მა უარი თქვა პასუხის გაცემაზე.

კვლევის საველე სამუშაოები ჩატარდა 23 ივნისი-8 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) 2 409 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.

კვლევაში ცდომილების ზღვარი +/-1.9%-ია.