პოლიტიკა

გამოკითხულთა 34%-ის აზრით, კახა კალაძემ უკანონო მშენებლობების პრობლემას უნდა მიაქციოს ყურადღება - IRI

„საერთაშორისო რესპუბლიკური ინსტიტუტის“ (IRI) ახალ კვლევის მიხედვით, გამოკითხულთა 34%-ის აზრით, თბილისის მერმა კახა კალაძემ უკანონო მშენებლობების პრობლემით უნდა დაინტერესდეს.

კვლევის მონაწილეებს სთხოვეს, დაესახელებინათ ის სამი მნიშვნელოვანი პრობლემა, რომლებსაც კახა კალაძემ ყურადღება უნდა მიაქციოს. უკანონო მშენებლობების გარდა გამოკითხულთა 26%-მა ინფრასტრუქტურა დაასახელა, 23%-23%-მა - სამუშაო ადგილები და ეკოლოგია, ხოლო 21%-მა - საზოგადოებრივი ტრასნპორტი.

კვლევა ჩაატარა ბალტიის კვლევების/გელაპის ორგანიზაციამ საერთაშორისო რესპუბლიკური ინსტიტუტის კვლევების ცენტრის დავალებით. მონაცემთა შეგროვება მოხდა 2018 წლის 10-22 აპრილის შუალედში და გამოიკითხა საარჩევნო უფლების მქონე 1 500 საქართველოს მოქალაქე. რესპონდენტთაგამოპასუხების პროცენტია 71, ხოლო ცდომილების ზღვარია +/- 2.5 %.