პოლიტიკა

გამოკითხული მოქალაქეები ყველაზე მნიშვნელოვან საკითხებად სამუშაო ადგილებს, ფასების ზრდას, ტერიტორიული მთლიანობასა და პენსიებს ასახელებენ - NDI

ეროვნულ-დემოკრატიული ინსტიტუტის კვლევის თანახმად, გამოკითხული მოქალაქეები ყველაზე მნიშვნელოვან საკითხებად სამუშაო ადგილებს, ფასების ზრდას/ინფლაციას, სიღარიბეს, ტერიტორიული მთლიანობასა და პენსიებს ასახელებენ.

თითოეულ მოქალაქეს პრობლემურ საკითხად მაქსიმუმ სამი პრობლების დასახელება შეეძლო. დასახელებული პრობლემები თითოეულ შემთხვევაში მოქალაქეთა 24-მა და მეტმა პროცენტმა დაასახელა.

NDI-ს მიერ ჩატარებული კვლევის მიხედვით, გამოკითხული მოქალაქეების 1 პროცენტი პრობლემებად კორუფციას, მედიის დამოუკიდებლობას, უმცირესობების უფლებებს, ციხეებს / პატიმრებს და სხვა საკითხებს ასახელებს.

დღეს, ეროვნულ-დემოკრატიული ინსტიტუტი (NDI) და CRRC–საქართველომ 2016 წლის ნოემბერ-დეკემბერში ჩატარებული საზოგადოებრივი აზრის კვლევის შედეგების პირველ ნაწილის წარადგენა დაიწყო.

პრეზენტაციაზე წარმოდგენილი არის ქვეყნის განვითარების კურსთან, საგარეო პოლიტიკასთან, ადგილობრივ თვითმმართველობასთან და ქალების პოლიტიკურ ჩართულობასთან დაკავშირებული მიგნებები.

კვლევის საველე სამუშაოები ჩატარდა 4 ნოემბერი - 4 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 3 141 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.

ნინო ექვთიმიშვილი