პოლიტიკა

გამოძიება აფგან მუხთარლის საქმეზე ნორმალური ტემპებით და გამჭვირვალედ მიდის - არჩილ თალაკვაძე

საპარლამენტო უმრავლესობის წევრის, არჩილ თალაკვაძის განცხადებით, აზერბაიჯანელი ჟურნალისტის საქმეზე გამოძიება ნორმალურად და გამჭვირვალედ მიმდინარეობს, ხოლო შინაგან საქმეთა სამინისტრო ამის შესახებ მოსახლეობას ინფორმაციას აწვდის.

„ინფორმაცია, რომელიც ჩვენ გვაქვს არის ის, რომ საგამოძიებო მოქმედებები მიმდინარეობს ინტენსიურ რეჟიმში, მიმდინარეობს ტელეანძის მონაცემების დამუშავება, გამოთხოვილია ვიდეოჩანაწერები, დაკითხულია ათეულობით მოწმე, იგეგმება თავად ბატონი მუხთარლის დაკითხვა აზერბაიჯანის სასჯელაღსრულების სისტემის მიერ. ვფიქრობ, გამოძიება მიდის ნორმალური ტემპებით და გამჭვირვალედ. საზოგადოება ამის შესახებ ინფორმირებულია“, - განაცხადა თალაკვაძემ.

დეპუტატმა გამორიცხა, რომ საქართველოს ხელისუფლებას რამე ფორმით ყოფილიყო ჩართული აფგან მუხთარლის საქმეში.

ანა მებურიშვილი