პოლიტიკა

გამგებელს შეიძლება მერი ეწოდოს - ირაკლი კობახიძე

პარლამენტის თავმჯდომარე ირაკლი კობახიძე მიიჩნევს, რომ კარგია იქნება თუ გამგებელს მერი ეწოდება.

პარლამენტის სპიკერი მიიჩნევს, რომ მერს და გამგებელს ერთნაირი უფლებამოსილებები აქვთ, თუმცა ერთი ქალაქის, მეორე სათემო მუნიციპალიტეტის ხელმძღვანელია.

„გამგებელს შეიძლება მერი ეწოდოს, რაც ევროპაში საყოველთაოდ აპრობირებული პრაქტიკაა. მერი ადგილობრივ დონეზე უმაღლეს თანამდებობის პირს ნიშნავს და ამიტომ, ეს ტერმინი აპრობირებულია. გამგებელი ქართული ტერმინია. ხშირად, ეს ტერმინები აღრევას იწვევს. ადამიანებს გონიათ, რომ მერი და გამგებელი სხვა რამეა და სხვადასხვა კომპეტენციები აქვთ. ამ დროს, მერს და გამგებელს ზუსტად ერთნაირი უფლებამოსილებები აქვთ. უბრალოდ, ერთი ქალაქის, მეორე სათემო მუნიციპალიტეტის ხელმძღვანელია. თუნდაც ამ აღრევის თავიდან არიდებისთვის შეიძლება სწორი იყოს, რომ ერთი ტერმინი - მერი გამოვიყენოთ. ცვლილება ინსტიტუტს არ ეხება, ეხება მხოლოდ სახელწოდებას და არის ტექნიკური ხასიათის ცვლილება. სწორი იქნება, მხოლოდ ერთი სახელწოდების, ერთი ტერმინოლოგიის დამკვიდრება “, - განაცხადა კობახიძემ.

მონიკა დავლიანიძე