სამართალი

გახშირდა სოციალური ქსელის მეშვეობით მუქარები - თუბა ჩაბუკი

თურქეთის მოთხოვნის საფუძველზე საქართველოში დაკავებული „დემირელის“ სკოლის მენეჯერის და პედაგოგის მუსტაფა ემრე ჩაბუკის მეუღლის, თუბა ჩაბუკის თქმით, მისი და მისი ოჯახის მისამართით სოციალური ქსელის მეშვეობით მუქარები გახშირდა.

ამის შესახებ თუბა ჩაბუკმა მედიას ლტოლვილთა და განსახლების სამინისტოსთან განუცხადა.

თუბა ჩაბუკის თქმით, მალე ოჯახის ადვოკატი შესაბამის უწყებებს მიმართავს.

„გახშირდა სოციალური ქსელის მეშვეობით მუქარები. ვფიქრობ, ეს საშიშროებას წარმოადგენს. ამ ყველაფერს მასშტაბური ხასიათი აქვს. ჩემს ადვოკატს უკვე ვუთხარი, რომ მეშინია და ის მალე მიმართავს შესაბამის უწყებებს“,-აღნიშნა თუბა ჩაბუკმა.

მონიკა დავლიანიძე