პოლიტიკა

გაგვიმართლა, რომ ევროკავშირში არაკვალიფიციური ხალხია, რომელიც ჩვენს დაზიანებას ცდილობს და ესეც არაკვალიფიციურად გამოსდის - შალვა პაპუაშვილი

გაგვიმართლა, რომ ევროკავშირში არაკვალიფიციური ხალხია, რომელიც ჩვენს დაზიანებას ცდილობს და ესეც არაკვალიფიციურად გამოსდის, – ამის შესახებ პარლამენტის თავმჯდომარემ, შალვა პაპუაშვილმა განაცხადა, რომელმაც უპასუხა ჟურნალისტის კითხვას, მოსალოდნელია თუ არა ევროკავშირის მხრიდან სანქციები.

„ვხედავთ, რომ ქართველი ხალხის მიმართ არაერთი მავნე გადაწყვეტილება იყო მიღებული. ერთადერთი, საბედნიერო ისაა, რომ იმდენად არაკვალიფიციურ ხელმძღვანელობასთან გვაქვს საქმე, რომ ისინი ვერ აზიანებენ ვერც თავისუფალ სიტყვას და ვერც ქართველ ხალხს. ხედავთ, რომ თავისუფალი სიტყვაც ვერ დააზიანეს. თავისუფალი მედია და საქართველო ცხოვრებას აგრძელებენ, არაფერი შეცვლილა. ასევე ვერ დააზიანებენ ქართველ ხალხს. გაგვიმართლა, რომ არაკვალიფიციური ხალხია, რომელიც ჩვენს დაზიანებას ცდილობს და ესეც არაკვალიფიციურად გამოსდის“, – განაცხადა პაპუაშვილმა.