სამართალი

გაგცემთ პასუხს გამოსვლისას - ანზორ ჩუბინიძე ლონდონის სასამართლოში მის წინააღმდეგ წარმოებულ სარჩელზე

სახელმწიფო დაცვის სპეციალური სამსახურის უფროსი ანზორ ჩუბინიძე ერთ-ერთია იმ მოქმედ მაღალჩინოსნებს შორის, რომელთა წინააღმდეგაც „ომეგა ჯგუფის“ ბრიტანელი ადვოკატი ლონდონის სასამართლოს მიმართავს.

ანზორ ჩუბინიძე „რუსთავი2“-ის მიერ გავრცელებულ ერთ-ერთ იმ ჩანაწერში ფიგურირებს, სადაც თამბაქოს ბიზნესისა და „ომეგა ჯგუფის“ წილების გადანაწილებაზეა საუბარი.

ჩანაწერში სპორტის ყოფილი მინისტრი ლევან ყიფიანი საუბრისას ამბობს, რომ ანზორ ჩუბინიძეს აბარია ერთ-ერთი საქმე და ის არის ხელისუფლების სხვა პირებთან „მომგვარებელი,“ რაშიც მან გარკვეული თანხაც უნდა მიიღოს.

შეგახსენებთ, რომ საქმესთან დაკავშირებით სამართალწარმოება უკვე დაწყებულია ლონდონის სასამართლოში.

თავად ჩუბინიძე ამბობს, რომ ბრალდებებს მოგვიანებით უპასუხებს.

„გაგცემთ პასუხს გამოსვლისას“ - განაცხადა ჩუბინიძემ ჟურნალისტების კითხვის საპასუხოდ.