პოლიტიკა

გაერთიანებული ოპოზიციის ლიდერები ამომრჩევლებსა და აქტივისტებს დღეს საღამოს 18:00 საათზე ფილარმონიაში ელოდებიან

გაერთიანებული ოპოზიციის ლიდერები ამომრჩევლებსა და აქტივისტებს დღეს საღამოს 18:00 საათზე ფილარმონიაში შეხვდებიან.

გრიგოლ ვაშაძის საარჩევნო შტაბის ხელმძღვანელის, გიორგი ვაშაძის თქმით, ამ ეტაპზე მნიშვნელოვანია მოსახლეობასთან კომუნიკაცია, რის შემდეგაც გამოაცხადებენ სამოქმედო გეგმას.

„ჩვენი საბჭოს გადაწყვეტილება არის ეს, რომ აუცილებელია შევხვდეთ ჩვენს მხარდამჭერებს იმიტომ, რომ ბევრი ითხოვს, შეკითხვები აქვთ და ითხოვს პასუხს და მათთან ერთად სამოქმედო გეგმას გამოვაცხადებთ“, - განაცხადა გიორგი ვაშაძემ.

გაერთიანებული ოპოზიცია გეგმავს კონსულტაციებს სხვა პოლიტიკურ ოპოზიციურ პარტიებთანაც.

რაც შეეხება არჩევნების მეორე ტურს, გაერთიანებულმა ოპოზიციამ ის ხალხის წინააღმდეგ მიმართულ სპეცოპერაციად და ტოტალურ კრიმინალურ ტერორად შეაფასა.

ცენტრალური საარჩევნო კომისიის მიერ, ხმების 100 %-ის დათვლის შედეგად, საპრეზიდენტო არჩევნების მეორე ტურში ,,ქართული ოცნების“ მიერ მხარდაჭერილ კანდიდატს, სალომე ზურაბიშვილს ხმა ამომრჩეველთა 59,52 %-მა მისცა, გაერთიანებული ოპოზიციის კანდიდატ გრიგოლ ვაშაძეს კი 40,48 %-მა