პოლიტიკა

გაერთიანებული ოპოზიცია ცესკო-ს მხრიდან გადასატანი ყუთებით გაყალბების მცდელობის დამადასტურებელ მტკიცებულებებს ასაჯაროვებს

გაერთიანებული ოპოზიცია ცენტრალური საარჩევნო კომისიის მხრიდან გადასატანი ყუთებით გაყალბების მცდელობაზე საუბრობს.

დღეს გამართულ ბრიფინგზე ლევან ბეჟაშვილმა წარმოადგინა ვიდეომტკიცებულებები, სადაც ჩანან ის ადამიანები, რომლებიც ავადმყოფობის გამო ითხოვენ გადასატან ყუთს, მაგრამ რეალურად კარგად არიან.

„ცენტრალური საარჩევნო კომისია, როგორც გაყალბების მთავარი კორპორაცია ამ ქვეყანაში და მისი თავმჯდომარე, თამარ ჟვანია ჯიუტად და თავხედურად განაგრძობს გაყალბების ახალ-ახალი მეთოდების დანერგვას და გამოყენებას.

ჩვენ არა ერთხელ განვაცხადეთ, რომ თბილისში გაზრდილია გადასატან ყუთზე რეგისტრირებულ ამომრჩეველთა რაოდენობა საარჩევნო მანიპულაციებისათვის, დღეს ჩვენ მიერ დადგენილია, რომ ჩუღურეთში პირველ ტურში თუ ღებულობდა მონაწილეობას გადასატანი საარჩევნო ყუთით 658 ამომრჩეველი, მეორე ტურისათვის ეს რიცხვი გაზრდილია 500-ზე მეტი ამომრჩევლით და ამ დროისათვის შეადგენს 1153 ადამიანს“, - განაცხადა ლევან ბეჟაშვილმა.