პოლიტიკა

ფუნდამენტური უფლებების დაცვის და თავისუფლებების შემზღუდავი კანონების გაუქმებაზე ევროკავშირი აგვისტოს ბოლომდე ელოდება ინფორმაციას, საკითხი გადაუჭრელი თუ დარჩება, შესაძლოა, მოჰყვეს უვიზო რეჟიმის შეჩერება - ევროკავშირის წარმომადგენლობა

ფუნდამენტური უფლებების დაცვა და თავისუფლებების შემზღუდავი კანონების გაუქმება, ანტიკორუფციული ძალისხმევის გაძლიერება – ევროკავშირი საქართველოსგან განახლებულ ინფორმაციას აგვისტოს ბოლომდე ელოდება, – ამის შესახებ ნათქვამია საქართველოში ევროკავშირის წარმომადგენლობის მიერ სოციალურ ქსელში გავრცელებულ ინფორმაციაში.

ინფორმაციაში აღნიშნულია, რომ საკითხები თუ გადაუჭრელი დარჩება, ამას, შესაძლოა, უვიზო რეჟიმის სრული შეჩერება მოჰყვეს.

„უვიზო რეჟიმის შეჩერების მექანიზმი: რა უნდა ვიცოდეთ:

1. არსებული მდგომარეობა

უვიზო მიმოსვლა ფუნდამენტური უფლებებისა და თავისუფლებების პატივისცემაზეა დამოკიდებული.

2025 წლის იანვარში ევროკავშირმა შეაჩერა უვიზო მიმოსვლა საქართველოს სამსახურებრივი და დიპლომატიური პასპორტების მფლობელებისთვის.

2024 წლის დეკემბერში ევროკომისიის ანგარიშში საქართველოზე სერიოზული შეშფოთება გამოითქვა.

იხილეთ სრული ანგარიში (ინგლისურად) https://bit.ly/3IPF0Lk

2. რა არის ევროკავშირის რეკომენდაციები?

ფუნდამენტური უფლებების დაცვა და თავისუფლებების შემზღუდავი კანონების გაუქმება.

ანტიკორუფციული ძალისხმევის გაძლიერება.

იხილეთ რეკომენდაციების სრული სია (ინგლისურად) https://bit.ly/4lCWqJS

3. რა ხდება შემდეგ?

ევროკავშირი საქართველოსგან ელოდება განახლებულ ინფორმაციას აგვისტოს ბოლომდე.

საკითხები თუ გადაუჭრელი დარჩება, ამას, შესაძლოა, უვიზო რეჟიმის სრული შეჩერება მოჰყვეს“, – ნათქვამია ინფორმაციაში.