სამართალი

ფსიქოლოგიური ზემოქმედების შედეგად მაიძულეს ხელი მომეწერა “ტელეიმედის” 65%-ის დათმობაზე - გიორგი ჯაოშვილი

“ტელეიმედის”, რიყის პარკისა და 7 ნოემბრის საქმეზე, რომელშიც ბრალდებულები არიან ყოფილი ხელისუფლების მაღალჩინოსნები, დღეს ტელეკომპანია “იმედის” ეპიზოდზე არხის წილების ყოფილი მფლობელი გიორგი ჯაოშვილი დაიკითხება.

ის ბრალდების მხარის მოწმის სტატუსით გამოცხადდება სასამართლო სხდომაზე.

როგორც ჯაოშვილმა ჟურნალისტებს განუცხადა, პროცესზე დეტალურად ისაუბრებს თუ როგორ მოხდა მისი იძულება, რათა დაეთმო ტელეკომპანიის წილები.

“2008 წლის 19 თებერვალს მოტყუებით მიმიყვანეს სანოტარო ბიუროში, სადაც დამხვდნენ ძალოვანი სტრუქტურების წარმომადგენლები და ნოტარიუსის თანდასწრებით, ფსიქოლოგიური ზემოქმედების შედეგად, მაიძულეს ხელი მომეწერა “ტელეიმედის” 65%-ის დათმობაზე. შეხვედრას ესწრებოდნენ სამხედრო პოლიციის წარმომადგენლები, ასევე ჯოზეფ ქეი და გიორგი ისაკაძე”, - განაცხადა გიორგი ჯაოშვილმა.