პოლიტიკა

ფაქტობრივად მედიასივრცე არის მოქცეული ერთი ქოლგის ქვეშ - გიორგი ტუღუში

ფრაქცია „ევროპული საქართველოს“ წევრის, გიორგი ტუღუშის განცხადებით, მედიაბაზარი „ერთი ქოლგის ქვეშ“ არის მოქცეული. მან მაგალითად მოიყვანა „რუსთავი 2“-ისა და საზოგადოებრივ მაუწყებელში მიმდინარე მოვლენები.

„როგორც ჩანს, ხორციელედება ზეწოლა მოსამართლეებზე, რათა მათ დადონ სასურველი გადაწყვეტილება [„რუსთავი 2“-ის საქმეზე]. ეს არ ჩაივლის უკვალოდ და ამას მოჰყვება ძალიან მძიმე შედეგები. თუნდაც იგივე, რასაც ჩვენ ამ ბოლო დროს ვუყურებთ, საზოგადოებრივი მაუწყებელში მიმდინარე მოვლენები და გადაცემების ტოტალური დახურვა.

რეალურად მედიასივრცე არის ფაქტობრივად მოქცეული ერთი ქოლგის ქვეშ. დროა, დასრულდეს ეს პროცესი, რომელიც უნიჭოდ იყო წამოწყებული და რეალურად გრძელდება უკვე ორი წელია და „რუსთავი 2“-ს მიეცეს ფუნქციონირების ნორმალური საშუალება“, - განცხადა ტუღუშმა პარლამენტის პლენარულ სხდომაზე.

ანა მებურიშვილი