პოლიტიკა

ფაქტია, რომ ოცნების შიგნით დაიწყო ერთმანეთის ჭამა, რაც კრიზისის გარდაუვალი ნიშანია - ელენე ხოშტარია

„ევროპული საქართველოს“ ერთ-ერთი ლიდერი, ელენე ხოშტარია გამოეხმაურა მედიაში გავრცელებულ ინფორმაციას, რომ შესაძლოა, ეკა ბესელიამ იურიდიულ საკითხთა კომიტეტის თავმჯდომარის პოსტი დატოვოს და სპიკერატში გადაინაცვლოს. ხოშტარიას შეფასებით, მმართველი გუნდის ყველა დეპუტატი ერთად ასრულებენ ნოტარიუსის ფუნქციას ბიძინა ივანიშვილისთვის და არსებითი მნიშვნელობა არ აქვს ვინ, სად იქნება

„მთლიანად პარლამენტი „ქართული ოცნების“ ნაწილი არის ფაქტობრივად ნოტარიალური ბიურო, რომელიც აბსოლუტურად ყველა ბიძინა ივანიშვილის გადაწყვეტილებას აფორმებდა. მე მინდა ვთქვა, რომ ოხანაშვილი პირადად იყო აქტიური მონაწილე იმისა, რომ ხორავას კომისიის შედეგები არ განხორციელებულიყო. არ ვიც,ი ახლა ამისთვის აწინაურებენ თუ რა მიზეზია, თუმცა ფაქტია, რომ ოცნების შიგნით დაიწყო ერთმანეთის ჭამა, რაც კრიზისის გარდაუვალი ნიშანია“,-განაცხადა ხოშტარიამ.

არსებული ინფორმაციით, სწორედ ანრი ოხანაშვილი ჩაანაცვლებს ბესელიას იურიდიულ საკითხთა კომიტეტის თავმჯდომარის პოსტზე.