სამართალი

ევროსასამართლოში სიის საწინააღმდეგოდ იმუშავა ნაციონალური მოძრაობის, ომბუდსმენისა და ზაზა ხატიაშვილის მოწოდებებმა- თეა წულუკიანი

იუსტიციის მინისტრი თეა წულუკიანი ევროსასამართლოში საქართველოს კანდიდატთა სიის ჩავარდნას ნაციონალური მოძრაობის, ომბუდსმენისა და ზაზა ხატიაშვილის ევროსტრუქტურებში აქტივობას უკავშირებს.

როგორც წულუკიანმა საკითხის კომენტირებისას მედიას განუცხადა, სიის ჩავარდნას ნაციონლაური მოძრაობის წევრები სიხარულის ყიჟინით შეხვდნენ.

„ძალიან დიდი გულისტკივილით ვადევნებ თვალს იმას, რომ საქართველოსთვის, ჩვენი ქევყნისთვის, ჩვენი სამშობლოსთვის, ამ სიის დაბრუნებას სიხარულის ყიჟინით შეხვდა ნაციონალური მოძრაობა, უფრო სწორად მისი მარტივ მამრავლებად დაშლილი წევრები. ეს არ არის გასაკვირი. ისინი ყოველთვის მუშაობდნენ საქართველოს წარუმატებლობისთვის საერთაშორისო ასპარესზე.

ამ სიის საწინააღმდეგოდ იმუშავა, ასევე საქართველოს ომბუდსმენმა, რომელიც ჩასული იყო ცოტა ხნის წინ სტრასბურგში და სხვა ქვეყნებს მოუწოდა, რომ არ დაეჭირათ ამ სიისთვის მხარი. ასევე, იმუშავა ადვოკატთა ასოციაციის ხელმძღვანელმა, რომელიც ევა გოცირიძის ფოტოებით და მუქარით, რომ ვიშიმშილებო ევროპელებს ეუბნებოდა - არ დაუჭროთ საქართველოს მხარიო“,-განაცხადა წულუკიანმა.

ევროსასამართლოში საქართველოს მიერ წარდგენილი მოსამართლეობის კანდიდატების სია არ დაამტკიცეს. სიის შემადგენლობაში იყვნენ: ევა გოცირიძე, ალექსანდრე ბარამიძე და გიორგი ბადაშვილი არ დაამტკიცა.

საქართველომ ევროსასამართლოს მოსამართლეობის ახალი კანდიდატები უნდა წარუდგინოს.

მონიკა დავლიანიძე