პოლიტიკა

„ევროპულმა საქართველომ“ საბურთალოს მაჟორიტარობის კანდიდატები წარადგინა

„ევროპულმა საქართველომ“, თბილისის საკრებულოს, საბურთალოს რაიონის მაჟორიტარობის კანდიდატები წარადგინა.

პარტიის მერობის კანდიდატმა, ელენე ხოშტარიამ, საბურთალოზე მარიამ რამინაშვილი და აკაკი კილასონია წარადგინა.

საბურთალოს რაიონის მცხოვრებლებს პარტიის წევრბმა საარჩევნო პროგრამა გააცნეს და მათი პრობლემები მოისმინეს.

მოსახელბასთან შეხვედრაზე ელენე ხოშტარიამ თბილისში ტრასნპორტის განვითარების სქემაზეც ისაუბრა.

„წარვადგინეთ ტრასნპორტის, ზოგადად, ქალაქში გადაადგილების პრობლემის მოგვარება - ის გზები რომლითაც ეს უნდა მოგვარდეს. აქ კომპლექსური მიდგომის გარეშე, ვერც ერთი პოპულისტური განცხადება და ერთი ინიციატივა ამას ვერ მოაგვარებს. ასევე წარვადგინეთ ინფრასტრუქტურული პროექტები“,-აღნიშნა ხოშტარიამ.

პარტიის ერთ-ერთი ლიდერის, გიგი უგულავას განცხადებით კი, ელენე ხოშტარია იქნება უბრალო, ჩვეულებრივი, პატიოსანი თბილისელების მერი.

„ელენე იქნება ადამიანი და მერი, რომელსაც აქვს ცოდნა, კომპეტენციაც, გამოცდილებაც და რაც მთავარია, უბრალო, ჩვეულებრივი, პატიოსანი თბილისელების მერი იქნება. ეს იქნება ადამიანი რომელიც სოციალური პროგრამის მიხედვით, სატრანსპორტო პროგრამის მიხედვით, უბრანული განვითარების სხვადასხვა კუთხის მიხედვით იქნება მერი, რომელიც ორიენტირებული იქნება ჩვეულებრივ ადამიანზე“,-აღნიშნა უგულავამ.

მონიკა დავლიანიძე