პოლიტიკა

„ევროპულმა საქართველომ“ ფარული მოსმენების ალტერნატიული ვარიანტი წარადგინა

პარტია „ევროპულმა საქართველომ“ ფარულ მოსმენებთან დაკავშირებით ახალი ინიციატივა წარუდგინა ხელისუფლებას.

პროექტის ავტორისა და ფრაქცია „ევროპული საქართველო-უკეთესი მომავლისთვის“ წევრის , ირაკლი აბესაძის თქმით, შეთავაზებული სისტემა იქნება ორგასაღებიანი და დაექვემდებარება ძლიერ საპარლამენტო კონტროლს.

„ჩვენ ვთავაზობთ, რომ მოსმენების განსახორციელებლად შეიქმნას სპეციალური დამოუკიდებელი სააგენტო, რომელიც იქნება ანგარიშვალდებული პრემიერ-მინისტრისა და პარლამენტის წინაშე. სააგენტოზე განხორციელდება ძლიერი საპარლამენტო კონტროლი ნდობის ჯგუფის ფარგლებში და შეიქმნება ფარული მოსმენების განხორციელების ორგასაღებიანი სისტემა, სადაც ერთი გასაღები ექნება სპეციალურ სააგენტოს, რომელიც იქნება დამოუკიდებელი, მეორე გასაღები კონტრდაზვერვითი საქმიანობის ფარგლებში განხორციელებულ ფარულ მიყურადებაზე ექნება უზენაესი სასამართლოს სპეციალურ მოსამართლეს, ყველა სხვა დანარჩენ შემთხვევაში - პერსონალური მონაცემების დაცვის ინსპექტორს“, - ამბობს აბესაძე.

აღნიშნულ ინიციატივას არასამთავრობო სექტორის წარმომადგენლებიც გაეცნენ.

შეგახსენებთ, რომ 10 თებერვალს ჩატარდა პირველი საპარლამენტო სესია ფარული საგამოძიებო მოქმედებების შესახებ მომზადებულ საკანონმდებლო ცვლილებების პაკეტზე.

ანა მებურიშვილი