პოლიტიკა

„ევროპულმა საქართველომ“ ადიგენში მერობის კანდიდატი წარადგინა

„ევროპულმა საქართველომ“ ადიგენში მერობის კანდიდატად მოსახლეობას გელა სარიშვილი წარუდგინა.

მერობის კანდიდატის წარდგენისას პარტიის ლიდერებმა აღნიშნეს, რომ თვითმმართველობის არჩევნებში გამარჯვების შემთხვევაში გაუქმდება ბიუროკრატიული ხარჯები, პრემიები და დანამატები და ეს თანხა პენსიის ზრდას მოხმარდება.

როგორც პარტიის ერთ-ერთმა ლიდერმა გიგი უგულავამ მედიას განუცხადა, ამ დანაზოგით შესაძლებელია, რომ პენსია 25 ლარით გაიზარდოს.

„პრობლემები იგივეა: უპატრონობა, მიტოვებულობა. თუ იმ გაუგონარ, გაუგებარ, აბსოლუტურად დაუსაბუთებელ ნეპოტისტურ ხარჯებს ამოვიღებთ შესაძლებელია აქ 25 ლარით გაიზარდოს პენსია და ჩვენ იქ სადაც გავიმარჯვებთ, პირველივე 100 დღეში განვახორციელებთ ამ ცვლილებას“, - განაცხადა გიგი უგულავამ.

მონიკა დავლიანიძე