საზოგადოება

`ევროპული საქართველოს` დაგროვებითი პენსიის ახალ სისტემასთან დაკავშირებით მმართველ გუნდს ინიციატივით მიმართავს

დაგროვებითი პენსიის ახალი სისტემა და ბინის გამქირავებლების დაბეგვრისგან გათავისუფლება - ამ ინიციატივებს „ევროპული საქართველო“ დღეს დარგობრივი ეკონომიკისა და აგრარულ საკითხთა კომიტეტების გაერთიანებულ სხდომაზე წარადგენს.

როგორც საპარლამენტო უმცირესობაში განმარტავენ, პენსიის დაგროვება, საშემოსავლო გადასახადის შემცირების ხარჯზე უნდა მოხდეს და ის ნებაყოფლობით უნდა იყოს.

რაც შეეხება მეორე ინიციატივას, ოპოზიციური პარტია თვლის, რომ პირი, რომელიც ბინის გაქირავების შედეგად წელიწადში 30 ათასზე ნაკლებ შემოსავალს იღებს, არსებული 5 პროცენტიანი გადასახადიდან უნდა გათავისუფლდეს.

„თუ ბინის გაქირავებიდან მიღებული შემოსავალი არ არის უზარმაზარი თანხა და ეს 30 ათას ლარს არ აჭარბებს, მაშინ სასურველია, რომ ბინის გამქირავებლები საერთოდ არ დაიბეგრონ იმ 5%-იანი გადასახადით. მეორე - ვთავაზობთ „ქართულ ოცნებას“ ისეთი ტიპის საპენსიო სქემას, სადაც ყველა ადამიანს ნებაყოფლობით შეუძლია დააგროვოს და დააგროვოს უფრო მეტი იმის ხარჯზე, რომ საშემოსავლო გადასახადი, რასაც ვიხდით რეალურად წავიდეს საპენსიო დანაზოგში,“-აცხადებს ზურაბ ჭიაბერაშვილი.