პოლიტიკა

„ევროპული საქართველო“ უმცირესობის ფორმატში პარლამენტში სუს-ისა და შსს-ის ხელმძღვანელებთან შეხვედრას ითხოვს

„ევროპული საქართველოს“ წევრი ოთარ კახიძე აზერბაიჯანელი ჟურნალისტისა და აქტივისტის, აფგან მუხთარლის საქმეზე უმცირესობაში შემავალი ფრაქციების ფორმატში პარლამენტში იწვევს სუს-ის უფროსს ვახტანგ გომელაურსა და შს მინისტრ გიორგი მღებრიშვილს.

“„ევროპული საქართველო“ აყენებს საკითხს, გომელაური და მღებრიშვილი მოვიდნენ და გასცენ პასუხები იმ კითხვებს, რომელიც აქვს ქართულ საზოგადოებას. ჩვენ აუცილებლად უნდა მოვახდინოთ რეაგირება ამ აღმაშფოთებელ ფაქტზე“, - განაცხადა კახიძემ დღევანდელ ბრიფინგზე.

კახიძის თქმით, ყველა პირი, ვინც ირიბად თუ პირდაპირ იყო ჩართული აფგან მუხთარლის საქმეში, მართლმსაჯულების წინაშე უნდა წარდგეს. მან მოუწოდა საპარლამენტო უმრავლესობას, გააცნობიეროს ამ ქმედების სიმძიმე და არ გადაიქცეს „თავგასული ძალოვნების მძევლებად“.

ანა მებურიშვილი