პოლიტიკა

,,ევროპული საქართველო’’ თავდაცვისა და შინაგან საქმეთა მინისტრებს პარლამენტში იბარებს

პარლამენტის ფრაქცია ,,ევროპული საქართველოს’’ წარმომადგენლები თავდაცვისა და შინაგან საქმეთა მინისტრების პარლამენტში თავდაცვის კომიტეტის საგანგებო სხდომაზე დაბარებას ითხოვენ.

როგორც ჟურნალისტებს ფრაქციის წევრმა, გიორგი კანდელაკმა განუცხადა, ხელისუფლებამ ოკუპანტ სახელმწიფოს სამხედროებზე საიდუმლო ინფორმაცია მიაწოდა, რაც სისხლის სამართლის დანაშაულია.

მისივე თქმით, შეკითხვებია თავდაცვის სამინისტროში დაწყებულ რეორგანიზაციასთან დაკავშირებითაც.

„თუკი გამოიკვეთა და დადასტურდა სახელმწიფო ღალატის ფაქტი, რაც, ფაქტობრივად, შსს-მ დაადასტურა, უნდა გადაიდგას ძალიან სერიოზული ნაბიჯები და მთავრობამ პასუხი უნდა აგოს,“- განაცხადა გიორგი კანდელაკმა.

ნინო ექვთიმიშვილი