პოლიტიკა

ევროპარლამენტში ე.წ შეკავების მექანიზმზე დებატები და შემდგომ კენჭისყრა გაიმართება

ევროპარლამენტარები დღეს, ე.წ შეკავების მექანიზმზე დებატებს გამართავენ, ამის შემდეგ კი, საკითხზე კენჭისყრა გაიმართება.

რაც შეეხება საქართველოსთვის ვიზალიბერალიზაციის მინიჭების საკითხს, როგორც მედიასთან საუბარში ევროპარლამენტის „ლიბეს“ კომიტეტის თავმჯდომარემ კლოდ მორალესმა განაცხადა, მას შემდეგ რაც ევროპარლამენტი ე.წ შეკავების მექანიზმს უყრის კენჭს, უნდა დაველოდოთ ევროსაბჭოს გადაწყვეტილებას.
თუმცა, მორალესი აღნიშნავს, რომ ევროსაბჭოს გადაწყვეტილება ძალიან ახლოს არის.

„ევროპის პარლამენტმა უკვე გადაწყვიტა, რომ საქართველოს ექნება ვიზალიბერალიზაცია, მაგრამ ახლა კითხვა ასე ისმის: როდის მოხდება ეს? პარლამენტმა უკვე იმსჯელა და მოამზადა დოკუმენტი. ხვალ გაიმართება დებატები, იქნება კენჭისყრა, რითაც ევროპარლამენტი ამ საკითხსზე მუშაობას დაასრულებს. ამის შემდეგ ჩვენ მოგვიწევს დაველოდოთ ევროსაბჭოს წევრების გადაწყვეტილებას და ის ძალიან ახლოსაა. პოზიტიური ნაბიჯები უკვე გადადგმულია, როდის ამოქმედდება ე.წ შეკავების მექანიზმი საბჭოს მუშაობის შემდეგ გაირკვევა“,-აღნიშნა მორალესმა.

როდის მიიღებს საქართველო ვიზალიბერალზიაციას, ამის კონკრეტული თარიღი ჯერჯერობით უცნობია, თუმცა ცნობილია, რომ შეჩრების მექანიზმს ევროპარლამენტი კენჭს ხვალ უყრის.

მონიკა დავლიანიძე