მსოფლიო

ევროკომისია კატალონიის რეფერენდუმს უკანონოს უწოდებს

ევროკომისიამ კატალონიაში ჩატარებულ დამოუკიდებლობის რეფერენდუმს არაკანონიერი უწოდა. ამის შესახებ „ინდეპენდენტი“ წერს.

ევროკომისიის წარმომადგენლის განცხადებით, ორგანიზაცია არ ჩაერევა ამ საკითხში, რადგან „ეს ესპანეთის შიდა საქმეა, რომელიც უნდა გადაწყდეს ესპანეთის კონსტიტუციის შესაბამისად“.

ევროკომისიის განცხადებით, იმ შემთხვევაში, თუ რეფერენდუმი იქნებოდა ორგანიზებული ესპანეთის კონსტიტუციის თანახმად, კატალონია დამოუკიდებლობის შემთხვევაში ევროკავშირის წევრი არ იქნებოდა.

ევროკომისიამ მოუწოდა ყველა მხარეს, კონფრონტაციიდან დიალოგზე გადავიდნენ.

შეგახსენებთ, კატალონიელთა 90%-მა გუშინდელ რეფერენდუმზე მხარი დაუჭირა რეგიონის დამოუკიდებლობას. ამომრჩეველთა აქტივობამ 42.3% შეადგინა.

ანა მებურიშვილი