მსოფლიო

კატალონიელთა 90%-მა რეგიონის დამოუკიდებლობას მხარი დაუჭირა

კატალონიელთა 90%-მა მხარი დაუჭირა რეგიონის დამოუკიდებლობას, - ასეთ შედეგებს ავრცელებს კატალონიის ადგილობრივი მთავრობა.

ბიბისის ინფორმაციით, რეფერენდუმზე ამომრჩეველთა აქტივობამ 42.3% შეადგინა.

„ამ იმედისა და ტანჯვის დღეს კატალონიის მოქალაქეებმა მოიგეს უფლება გამოაცხადონ დამოუკიდებელი სახელმწიფო რესპუბლიკის სახით“, - განაცხადა კატალონიის პრეზიდენტმა კარლეს პუიჩდემონმა. მან დაამატა, რომ ევროკავშირი ვეღარ გაააგრძელებს „სხვა მხარეს ყურებას“.

კატალონიის მთავრობის თქმით, 5.3 მილიონი დარეგისტრირებული ამომრჩევლიდან 2.2. მილიონზე მეტს აცნობეს ხმის მიცემის შესახებ. მთავრობის სპიკერის განცხადებით, 750 000-ზე მეტმა ამომრჩეველმა ვერ მოახერხა ხმის მიცემაში მონაწილეობა, რადგან საარჩევნო უბნები დაკეტილი იყო, ხოლო საარჩევნო ურნების კონფისკაცია მოხდა.

ესპანეთის საკონსტიტუციო სასამართლომ რეფერენდუმი უკანონოდ სცნო, ხოლო ათასობით ადამიანი დაშავდა პოლიციასთან შეტაკების შედეგად. სამართალდამცავები ცდილობდნენ, შეეჩერებინათ ხმის მიცემა.

კატალონიის ჯანდაცვის მაღალჩინოსნების განცხადებით, შეტაკებების შედეგად 844 ადამიანი დააშავდა, აქედან 33 პოლიციელია.

ესპანეთის პრემიერ-მინისტრმა მარიანო რეხოიმ განაცხადა, რომ კატალონიელები მოატყუეს და მიაღებინეს მონაწილეობა უკანონო პლებისციტიში. მისივე თქმით, რეფენდუმი იყო „დაცინვა“ დემოკრატიაზე.

კატალონიაში სულ 7.5 მილიონი ადამიანი ცხოვრობს. ეს ესპანეთის ერთ-ერთი ყველაზე მდიდარი რეგიონია.

ანა მებურიშვილი