პოლიტიკა

„ევრაზიულ კავშირთან“ საქართველოს არანარი კავშირი არ აქვს, საერთოდ, ასეთ ღონისძიებებს კარი არ უნდა გავუღოთ - ზვიად კვაჭანტირაძე

„ევრაზიულ კავშირთან“ საქართველოს არანაირი კავშირი არ აქვს და ვფიქრობ, რომ არცერთი ქართველი ბიზნესმენი არ უნდა იღებდეს მონაწილეობას. საერთოდ, ასეთ ღონისძიებებს კარი არ უნდა გავუღოთ“,-ამის შესახებ „ქართული ოცნების“ წევრმა ზვიად კვაჭანტირაძემ ჟურნალისტებს სასტუმრო Old Tbilisi-თან განუცხადა, სადაც ამ წუთებში, „ევრაზიული კავშირის“ ბიზნესფორუმი მიმდინარეობს.

დეპუტატის მტკიცებით, ის ფორუმზე დასაწრებად არ მისულა და აღნიშნულ სასტუმროსთან სრულიად შემთხვევით მოხვდა.

„არ ვაპირებ ფორუმზე შესვლას. აქ არის ჩემი ბიძაშვილი, რომელიც თავის მეგობარს უნდა შეხვდეს. დაემთხვა ჩემი მოსვლა ამ ფორუმს. ორ შვილს გეფიცები, საერთოდ არ ვიცი, რა ფორუმია. „ევრაზიულ კავშირთან“ საქართველოს არანარი კავშირი არ აქვს და ვფიქრობ, რომ არცერთი ქართველი ბიზნესმენი არ უნდა იღებდეს მონაწილეობას. საერთოდ, ასეთ ღონისძიებებს კარი არ უნდა გავუღოთ“, - განაცხადა კაჭვანტირაძემ.

„ევრაზიული კავშირის ბიზნესფორუმს“ რამდენიმე ქვეყნის ბიზნესის წარმომადგენელები ესწრებიან. მათ შორის ბიზნესმენები საქართველოდან, რუსეთიდან, სომხეთიდან და ბელორუსიდან.

ბიზნესფორუმი ამ წუთებში, დახურულ კარს მიღმა მიმდინარეობს.