სამართალი

ევა გოცირიძის კანდიდატურა იმიტომ ჩავარდა, რომ ევროსაბჭოსთვის ცნობილია, რომ იგი ხელისუფლების ჭანჭიკია - აკაკი მინაშვილი

პარტია “ნაციონალური მოძრაობის” წევრის, აკაკი მინაშვილის განცხადებით, ევა გოცირიძე ევროსასამართლოში მოსამართლედ იმიტომ არ აირჩიეს, რომ ევროპისა საბჭოსთვის თვალსაჩინო იყო, რომ იგი მოქმედი ხელისუფლების ჭანჭიკია, რომელიც იუსტიციის საბჭოში საკუთარ ნებას არ ასრულებდა.

ამის შესახებ მინაშვილმა ევა გოცირიძის მიერ გუშინ გამოქვეყნებული წერილის საპასუხოდ განაცხადა, სადაც ევროსასამართლოს მოსამართლეობის ყოფილი კანდიდატი საუბრობს იმაზე, რომ მისი კანდიდატურის წინააღმდეგ განხორციელდა ძალთა არნახული მობილიზაცია მთელი არასამთავრობო სექტორის,ნაციონალური მოძრაობის მხრიდან, მათ შორის, არასამთავრობო ორგანიზაციათა კოალიციის, ადვოკატთა ასოციაციის თავმჯდომარის, ევროსაბჭოში საქართველოს ყოფილი წარმომადგენლისა და სახალხო დამცველის მონაწილეობით.

„პირველ რიგში მინდა გითხრათ, რომ თქვენც ძალიან კარგად ხედავდით და მთელი საზოგადოება კარგად ხედავდა, რომ ევა გოცირიძე იყო ბიძინა ივანიშვილის და ამ ხელისუფლების ჭანჭიკი, რომელიც არ ასრულებდა საკუთარ ნებას, პოლიტიკურ ნებას იუსტიციის საბჭოში. ბუნებრივია, ეს ყველასათვის თვალსაჩინოა. ასევე ეს არის თვასლსაჩინო ევროპის საბჭოს, საპარლამენტო ასამბლეის დუტატებისათვის. არ შეარჩიეს ეს ქალბატონი, იმიტომ რომ ეს ქალბატონი არ იქნებოდა დამოუკიდებელი, ეს ქალბატონი არ იქნებოდა მიუკერძოებელი“,-აღნიშნა აკაკი მინაშვილმა.

მონიკა დავლიანიძე