სამართალი

ე.წ. ციანიდის საქმიზე წინასასამართლო სხდომა დაიხურა

ე.წ. ციანიდის საქმისზე წინასასამართლო სხდომა დაიხურა.

საქმის პროკურორის განცხადებით, ბრალდების ერთ-ერთ მოწმეზე რელიგიური მოტივით მუქარისშემცველი ზარი განხორციელდა. ამასთან, ბრალდების მხარის წარმომადგენელს მოწმის ვინაობა და მუქარისშემცველი შეტყობინების ავტორი არ დაუსახელებია. აღნიშნული ფაქტი, პროკურორის თქმით, ერთ-ერთი არგუმენტია იმის, რომ წინასასამართლო სხდომა დაიხუროს.

"ბრალდების მხარის ერთ-ერთ მოწმეზე განხორციელდა, სავარაუდოდ, მუქარისშემცველი ზარი. დადგენილია, რომ სავარაუდო, მუქარისშემცველი ზარი არის რელიგიური მოტივის. აქედან გამომდინარე, სახეზეა რელიგიური ნიშნით დაპირისპირების გაღვივების ნიშნები", - განაცხადა პროკურორმა.

მოსამართლე ბადრი შონიამ დააკმაყოფილა ბრალდების მხარის შუამდგომლობა და პროცესი სრულად დახურა.

როგორც მოსამართლემ განმარტა, სახეზეა ბრალდების მხარის მიერ მოყვანილი არგუმენტები, კერძოდ, მოწმეების უსაფრთხოებისთვის საფრთხის შექმნა და ასევე პერსონალური ინფორმაციის გავრცელების საფრთხე.

აქედან გამომდინარე, მოსამართლემ მიიღო გადაწყვეტილება, რომ პროცესი დაიხუროს და მხარეებმა საქმეში არსებული მტკიცებულებების დასაშვებობაზე დახურულ რეჟიმში იმსჯელონ.