სამართალი

ე.წ. ნავთლუღის სპეცოპერაციის საქმეზე დათა ახალაია და გია დგებუაძე სასამართლომ დამნაშავედ სცნო

თბილისის საქალაქო სასამართლომ კუდ-ის ყოფილი უფროსი, დათა ახალაია და ამავე დეპარტამენტის ყოფილი მაღალჩინოსანი, გია დგებუაძე, მეტსახელად „მასტერა“ დამნაშავედ სცნო.

გადაწვეტილება მოსამართლე ლაშა ჩხიკვაძემ თბილისის საქალაქო სასამართლოში დღევანდელ სხდომაზე გამოცხადდა.

მოსმაართლის გადაწყვეტილებით, გადაწყვეტილებით, გიორგი დგებუაძეს წარდგენილი ბრალი - განზრახ მკვლელობა - გადაუკვალიფიცირდა განზრახ მკვლელობაში დახმარების გაწევის ბრალდებით. სამსახურებრივი უფლებამოსილების გადამეტების ბრალდების ნაწილში კი, სასამართლომ დგებუაძე გაამართა.

გია დგებუაძეს „ამნისტიის შესახებ“ კანონის გათვალისწინებით, საბოლოოდ სასჯელის სახით 9 წლით თავისუფლების აღკვეთა მიესაჯა, ასევე 2 წლით აეკრძალა თანამდებობის დაკავება.

გია დგებუაძეს პატიმრობის ვადაში ჩაეთვლება საექსტრადაციო პატიმრობის ვადა და ასევე წინასწარ პატიმრობაში ყოფნის ვადა.

რაც შეეხება საქმეში მეორე ბრალდებულ, კონსტიტუციური უსაფრთხოების დეპარტამენტის ყოფილ უფროს დათა ახალაიას, სასამართლომ მხოლოდ სამსახურებრივი უფლებამოსილების გადამეტებაში გაამართლა, განზრახ მკველობის ბრალში კი დამნაშავედ სცნო და „ამნისტიის შესახებ“ კანონის გათვალისწინებით, საბოლოოდ 12 წლით წლით თავისუფლების აღკვეთა მიესაჯა. მასაც ასევე 2 წლით აეკრძალა საჯარო სექტორში თანამდებობის დაკავება.

ცნობისათვის: გიორგი დგებუაძეს ბრალად 2006 წლის 12 იანვარს, კონსტიტუციური უსაფრთხოების დეპარტამენტის უფროს დავით ახალაიასთან და ამავე დეპარტამენტის სხვა მაღალჩინოსნებთან ერთად, ნავთლუღის ავტოსადგურში სამი ახალგაზრდის: შოთა გორგაძის, მარად ართმელაძისა და რომან სურმანიძის წინასწარ დაგეგმილ მკვლელობაში მონაწილეობა და სამსახურებრივი უფლებამოსილების გადამეტება ედება. გამოძიების ვერსიით, დათა ახალაიამ საკონტროლო გასროლა სპეცოპერაციის შედეგად მოკლული შოთა გორგაძის, ხოლო გიორგი დგებუაძემ რომან სურმანიძის მისამართით განახორციელა.

ნინო ექვთიმიშვილი