სამართალი

ე.წ კოკაინის საქმეზე ჩემს წინააღმდეგ იყო ორკესტრირებული, თითიდან გამოწოვილი შეტევა, რომ საჭირო დროს ყოფილიყო წამოძახებული-მანანა კობახიძე

ფრაქცია „ქართული ოცნების“ მიერ წარდგენილი საკონსტიტუციო მოსამართლეობის კანდიდატის, მანანა კობახიძის განცხადებით, ე.წ კოკაინის საქმეზე მის მიმართ იყო ორკესტრირებული, თითიდან გამოწოვილი, შეკერილი შეტევა.

ამის შესახებ პალრმანეტის იურიდულ საკითხთა კომიტეტის მოსმენაზე უმცირესობის წარმომადგენლის სერგო რატინის მიერ დასმული კითხვის საპასუხოდ განაცხადა.

„ეს იყო ორკესტრირებული, თითიდან ვამოწოვილი, შეკერილი შეტევა სწორედ იმიტომ, რომ საჭიროების დროს, ეს ყოფილიყო წამოძახებული. მე თამამად შემიძლია ვთქვა, რომ პირნათელი ვარ. 4 თვე იძია პროკურატურამ, თუმცა ერთი სიტყვაც კი ვერ იპოვა, რომელიც ჩემს მიმართ სისხლის სამართლის საქმის დაწყებას განაპირობებდა“, - განაცხადა კობახიძემ.

შეწყალების კომისიის ყოფილი თავმჯდომარის, ალექსანდრე ელისაშვილის განცხადებით, ეკა ბესელია და მანანა კობახიძე მისგან ე,წ კოკაინის საქმის ფიგურანტების შეწყალებას ითხოვდნენ.

მისი თქმით ,მათ სხვა საქმეების ფიგურანტების შეწყალება არ აინტერესებდათ. ელისაშვილის თქმით, ბესელია და კობახიძე მას ურეკავდნენ, მესიჯებს უგზავნიდნენ, კატეგორიული ტონით ესაუბრებოდნენ.

მონიკა დავლიანიძე