სამართალი

ე.წ. კაბელების საქმეზე მსჯავრდებულებმა საპატიმრო დაწესებულება დატოვეს

საქართველოს პრეზიდენტმა ე.წ. კაბელების საქმეზე მსჯავრდებული, თავდაცვის სამინისტროს ყოფილი მაღალჩინოსნები შეიწყალა. მათ საპატიმრო დაწესებულება გუშინ უკვე დატოვეს.

ამ საკითხზე განცხადება საქართველოს პრეზიდენტის მრჩეველმა ფიქრია ჩიხრაძემ გააკეთა.

პრეზიდენტის მრჩეველმა მიიჩნევს, რომ პროცესის ვერც ერთ ეტაპზე, პროკურატურამ ვერ შეძლო წაყენებული ბრალის სათანადოდ დასაბუთება, რასაც სხვადასხვა დროს არაერთი მწვავე შეფასება მოჰყვა, როგორც ქართული, ისე საერთაშორისო საზოგადოების მხრიდან.

,,სამწუხაროდ, მთელი პროცესის განმავლობაში პოლიტიკოსების მხრიდან წინმსწრებად გამოთქმული შეფასებები ამძიმებდა საქმის ვითარებას და აღძრავდა კითხვებს შერჩევითი მართლმსაჯულებისა და პოლიტიკურად მოტივირებული სისხლის სამართლებრივი დევნის თაობაზე.

პროცესის ვერც ერთ ეტაპზე, პროკურატურამ ვერ შეძლო წაყენებული ბრალის სათანადოდ დასაბუთება. რასაც სხვადასხვა ეტაპზე არაერთი მწვავე შეფასება მოჰყვა, როგორც ქართული, ისე საერთაშორისო საზოგადოების მხრიდან.

აღნიშნულიდან გამომდინარე, საქართველოს პრეზიდენტმა მიიღო გადაწყვეტილება აღნიშნული პირების შეწყალების თაობაზე. იმედი მაქვს, რომ ისინი უახლოეს საათებში დატოვებენ საპატიმრო დაწესებულებს და დაუბრუნდებიან თავიანთ ოჯახებს,”-აცხადებს ფიქრია ჩიხრაძე.

ნინო ექვთიმიშვილი