პოლიტიკა

ე.წ. ფარული მოსმენების შესახებ კანონში შეტანილი ცვლილებები გაზრდის სააგენტოს დამოუკიდებლობის ხარისხს - მამუკა მდინარაძე

საპარლამენტო ფრაქცია „ქართული ოცნების“ თავმჯდომარის მამუკა მდინარაძის განცხადებით, ე.წ. ფარული მოსმენების კანონში ცვლილებები შევიდა. კერძოდ, საქართველოს ეროვნული უსაფრთხოების ხელმძღვანელი აღარ დანიშნავს ფარული მიყურადების განმახორციელებელი ორგანოს უფროსის მოადგილეებს.

მდინარაძის თქმით, ახალი რედაქციით პრემიერს ჩამოერთვა ფუნქცია, დამოუკიდებლად აერჩია ორგანოს უფროსი.

„სუს-ის უფროსი აღარ დანიშნავს სააგენტოს უფროსის მოადგილეებს, აღარ იქნება წარდმგენი პრემიერის წინაშე. სააგენტოს ხელმძღვანელს დანიშნავს პრემიერი კომისიის წარდგინებით. გარდა ამისა, დებულებას აღარ დაამტკიცებს სუს-ი. და ეს სხვა ცვლილებებთან ერთად არის ის უმნიშვნელოვანესი საკითხი, რომელიც გაცილებით გაზრდის სააგენტოს დამოუკიდებლობის ხარისხს“, - განაცხადა მდინარაძემ

მდინარაძის განცხადებით, განსახილველი დარჩა, თუ ვინ წარუდგენს კომისიას კანდიდატებს.

შეგახსენებთ, რომ პარლამენტში მეორე მოსმენით განიხილავენ საკონსტიტუციო ცვლილებათა პაკეტს ე.წ. ფარული მოსმენების შესახებ.

ანა მებურიშვილი