სამართალი

ე.წ ფარული მოსმენების საქმეზე ბრალდებულები სასამართლომ დამნაშავედ ცნო

ე.წ ფარული მოსმენების საქმეზე ბრალდებულები, კონსტუტუციური უსაფრთხოების დაცვის დეპარტამენტის ყოფილი მაღალჩინოსნები-ვასილ ლელუაშვილი, გივი კაციტაძე, დიმიტრი თათრიშვილი, ირაკლი ყიფშიძე და რევაზ შიუკაშვილი სასამართლომ დანმაშავედ ცნო.

ბრალდებულები დამნაშავედ სისხლის სამართლის 33-ე მუხლით ცნეს.

რაც შეეხება კიდევ ერთ ბრალდებულს - გიგლა შიუშვილს, სასამართლომ მას ბრალდება მოუხსნა და გაამართლა.

მოსამართლე ლია ორკოდაშვილმა პროკურატურის ბრალდება გაიზიარა. ვასილ ლელუაშვილი 4 წლის და 6 თვის ვადით თავისუფლების აღკვეთა შეეფარდა, გივი კაციტაძეს 5 წელი და 3 თვე, დიმიტრი თათრიშვილს ასევე 5 წელი და 3 თვე, ირაკლი ყიფშიძესა და რევაზ შიუკაშვილს 4 წლის პატიმრობა მიესაჯათ.

საქმეზე გამოძიება 2016 წლიდან მიმდინარეობს. საუბარია 2016 წლის 11 და 14 მარტს ინტერნეტში გავრცელებულ, უკანონოდ მოპოვებულ, პირადი ცხოვრების ამსახველ კადრებზე. ბრალდების მტკიცებით, პოლიტიკოსების ფარულ გადაღებას კუდ-ი 2012 წლის არჩევნებამდე ახორციელებდა.

დახურულ პროცესებზე დაზარალებულად ცნობილი 3 პირი დაიკითხა, თუმცა პროკურორის თქმით, ყველა მათგანის პოზიცია გაიცნო სასამართლომ.

კუდ-ის ყოფილი მაღალჩინოსნები სამართალდამცველებმა 2016 წლის აპრილში დააკავეს.

მონიკა დავლიანიძე