სამართალი

ესპანეთის პოლიციამ ე.წ „ქართული მაფიის“ 48 წევრი დააკავა

ესპანეთის ეროვნულმა პოლიციამ ე.წ ქართული მაფიის წინააღმდეგ ჩატარებული ოპერაციის შედეგად, დაჯგუფების 48 წევრი დააკავა.

ამის შესახებ ესპანეთის სამართალდამცავი ორგანოების მიერ გავრცელებულ განცხადებაშია ნათქვამი,- იტყობინება Taсс.

სამართალდამცავების ინფორმაციით, საუბარია კრიმინალურ დაჯგუფებაზე, რომელთა წევრები ქვეყნის მაშტაბით სახლების ძარცვაში არიან ეჭვმიტანილი.

ოპერაციის ფარგლებში, ასევე ათობით ჩხრეკა ჩატარდა.

გავრცელებულ ინფორმაციაში აღნიშნულია, რომ ეროვნული პოლიციის თანამშრომლებმა 600 საიუველირო ნაკეთობა, 13 ათასი ევრო და დოკუმენტაცია ამოიღეს.

სამართალდამცავების ქმედების შედეგად, მადრიდსა და მურსში 40-მდე დანაშაულის გახსნა მოხერხდა.

მონიკა დავლიანიძე